Die eerste verjaarsdag in die hemel…. dit is nog so baie seer….

 

Wie ken ‘n moeder se hart,
Wat in die stilte van die nag,
Om seënings vir haar kinders smag

Wie ken die pyn en ken die seer,
Om oor ‘n moeder te kan treur?

‘n Lewe soos die lente bloei,
Die warm liefde uit haar vloei.
Geen kwaad woord, woede,
Liefde teer, soos net ‘n moeder dit kan gee.

En as dit koud was, waar was sy,
Met God se liefde,
Aan ons sy.

Haar stem nou stil,
Haar plek is leeg,
Ons weet ons God,
Het haar beklee

In God ons krag,
Rus sag liewe moeder,
By God, – Rus sag.

(skrywer onbekend)