Hierdie is een van die manupilasies (deur Hennie Niemand) van die man Vernon. Ek staan verstom oor hoe vinnig die karakter ontpop en bekend geraak het. Vernon Koekemoer is eintlik ‘n ene Cassie Booyse van Brakpan en nou glad nie iemand saam met wie ek sal kuier nie. Ek hou die storie dop om te sien waar dit gaan draai – ek verneem Vernon was nou al in ‘n Vodacom advertensie te sien.
Die mense wat vir Vernon Koekemoer aan Suid-Afrika bekend gestel het, is baie kreatief. Daar is natuulik alle elemente ook en van die goed is in uiters swak smaak, maar daar is darem heelwat om oor te glimlag ook. Gaan lees hier wie die man nou eintlik is en wat hy te sê het oor die hele storie en gaan kyk na sommer ‘n klomp voorbeelde van wat alles met sy foto aangevang is. Dit is natuurlik net ‘n klomp twak, maar illustreer beslis die krag van die internet en hoe klein tegnologie die wêreld vir ons gemaak het.
‘n Maand terug het ‘n man rustig ‘n drankie by ‘n geleentheid gedrink, en vandag weet duisende van hom. Ek sou die man raakgesien het, my kop geskud het, aangeloop het en nooit weer aan hom gedink het nie. Iemand het ‘n foto geneem en begin speel. En kyk nou.
Kommentaar