Net soos met Sonkind ontwyk ‘n foto uit die era van matriek my. Ek aanvaar onbenoemd haar tag en sit twee foto’s van my kleintyd hier….
Die eerste foto is op my eerste verjaarsdag geneem. Ek was blykbaar glad nie beindruk met ‘n kamera nie. Ook nie met die sjokoladekoek wat later aan my voorgesit is nie. Hierdie foto is vir my spesiaal omdat dit deur my pa gebruik word as boekmerk in sy Bybel. Ek het dit met sy laaste kuiertjie geskandeer.
Die tweede foto is geneem to ek 4 jaar oud was. My bruin hare was blond teen daardie tyd. 
Dit is seker omdat ons feitlik altyd die hele dag buite gespeel het. Kyk bietjie hoe skeef is daardie pophuisstoeltjie gesit! Die voet makeer niks wat seep en water nie later reggemaak het nie. Ek was darem baie vriendeliker met iemand agter ‘n kamera teen daardie tyd. Altwee die foto’s is geneem in ons erf by die Rietfontein romery (tussen Otavi en Grootfontein). Ek het mos al voorheen gesê ek is die melkman se kind…..
Ek het op die foto afgekom en moet dit bysit net om te wys dat ek darem hier teen vyfjarige ouderdom goed kon lyk as ek vars uit die bad kom…. ons was oppad fliek toe of iets. Op die foto is my oom en oudste broer by my.
Snaaks hoeveel blonde dogtertjies raak brunette. Sorry, blonde seuntjies se hare raak ook donker. Dit was die geval met my en my broer.
Jy is pragtig,
ek moet bieg, my seun se voete lyk ook gewoonlik saans so, skropborsel en Sunlightseep is al wat hom skoon kry!!!
Dit is te pragtig!
Melkman se kind… jy was ‘n mooi dogtertjie! Ek hou van daai “pose” op die stoeltjie, vuil voete en al!!
Al op vier ‘n regte lady! Kyk net hoe oulik is die beentjies gekruis.
Ek stem saam Dellie, klaar ‘n lady. Te cute
*knie-buiging* Waar was daardie dae tog….
Ek en my oudste boetiegoed en ons bure se twee kinders, Brenda en Lolla, het vir ure in ons “kar” gereis. Dit was ‘n houtkrat van so kniehoogte waarvan die een syplank uit was en daardie kant was die voorkant. Boetiegoed was die kleinste, maar omdat hy die einigste mannetjiesmens was, was hy die “pa” en die pa het bestuur. Voor langs hom het die “ma” gesit en agter die twee kinders. Alles aan die kar was denkbeeldig. My pa het ‘n foto waar boetiegoed daardie “stuurwiel” vashou en laat waai – handjies so skouerhoogte om niks! En boeta, was ons vier vuil – ek dink nie my eie kinders was ooit so vuil nie! Ek sal nog kyk of ek nie ‘n kopie van die foto in die hande kan kry nie vir my nostalgie hoekie nie.
Ek dink tog dat na ons daar weg is Rietfontein Romery nooit weer dieselfde was nie.
Ag daardie eerste foto is te pragtig.. Kyk net die ou beentjies. En ek sal maar niks se van die juffie op die stoel nie…. te cute vir woorde!
Jy lyk te dierbaar vir woorde, moeder ma jy was voorwaar ‘n pragtige dogterjie.
Jo, ek sien jou alreeds in die groot dogtertjie, maar jy is darem net opvreetbaar mooi op die 1 jaar oud foto!
Baie mooi Jo. Ek stem saam met die ander. ‘n Ware LADY.
Dis rerig die oulikste foto’s!
JY verstáán nie hoe klein dié ou wêreld regtig is nie J-A!!! Ek was in Grootfontein tot omtrent 1977/8 – en my oupa se plaas (waarop my ouerhuis ook was) was sowat 30km van Gftn op die pad Otavi toe. Ek onthou die Rietfontein romery/melkery baie goed! My tannie se liefie Uwe het daar geleer kaas maak honderd jaar gelede. En my oupa was blykbaar ook nogal volgens my ma baie betrokke in Rietfontein. Vra bietjie jou pa of hy weet van ene: Albert Koll??
Ag, man, ek laaiks vreeslik baie van hierdie blog-reminisce-stories!!
Thanks!!
BB – ek sal hom vra. Vra bietjie vir jou mense of hulle Frau Ehlers geken het?